Verkefnið er alþjóðlegt samstarf þar sem nýsköpunar- , tækni- og hönnunarsmiðjur verða efldar til að mæta helstu umhverfisáskorunum samtímans og auka möguleikana á sjálfbærri framleiðslu og hringrásarhagkerfi. Hluti Íslands snýst um textíl en ull og textíll hafa skipt sköpum í sögu Íslendinga. Textílmiðstöð Íslands á Blönduósi verður efld sem miðstöð þróunar og sköpunar í textíl og Háskóli Íslands rannsakar sögu og bakgrunn textíls, menningararf og handverksþekkingu, með áherslu á framlag og frumkvöðlastarfsemi kvenna. Sérstök áhersla er á ull og umhverfisvæna nýtingu hennar.

Markmið verkefnisins er að blása lífi í menningarsögulega mikilvæg atvinnusvæði í Evrópu og nýta fyrirliggjandi menningararf sem innblástur fyrir framtíð í anda hringrásarhagkerfis og sjálfbærni. Kynja- og jafnréttisvíddin í verkefninu hetfur það markmið að rýna kynjavíddina þegar kemur að sjálfbærni og hringrásarhagkerfi. Meðal annars er spurt hvernig textíllinn og handverkið geta tekið skrefið inn í framtíðina á umhverfisvænan og sjálfbæran hátt.

Textíll er fjórði stærsti umhverfisþáttur einstaklinga á eftir húsnæði, samgöngum og matvælum. Með hraðtískunni hefur framleiðsla á fötum stóraukist á sama tíma og þau enda sífellt hraðar í ruslinu. Það er mikilvægt samfélagslegt markmið að sporna við þeirri þróun og finna haldbærar lausnir til framtíða

Þorgerður J. Einarsdóttir prófessor í kynjafræði við Háskóla Íslands og Laufey Axelsdóttir nýdoktor í kynjafræði við Háskóla Íslands. Textílmiðstöðin á Blönduósi, Elsa Arnardóttir forstöðumaður, Katharina Schneider verkefnisstjóri, Margrét Katrín Guttormsdóttir umsjónarmaður TextílLab.

• HÍ: Koma á fót nýsköpunarmiðstöðvum á gömlum iðnaðarsvæðum í Evrópu
• Feykir.is: Byggja upp öfluga miðstöð textíls á Blönduósi
• Morgunblaðið: Miðstöð nýsköpunar í textíliðnaði
• HÍ: „Heldurðu þræði“ – Nýsköpunarnámskeið fyrir frumkvöðla í textíl